教育王國
標題: 屯門元朗將要揀中學0既一齊傾吓丫 [打印本頁]
作者: whywhywhy 時間: 10-8-5 13:54 標題: 屯門元朗將要揀中學0既一齊傾吓丫
真係好頭痛, 囝囝成績唔算最TOP果種, 但英文算唔錯, 往往全級頭5名, 見讀英小, 啱啱第一次呈分試BAND 1中, 但佢係極飄忽果隻, 活躍型,真係唔識揀, 連揀屯門區定元朗區都決定唔到
本來想報直資, 但見佢哋今年少人, 又心大心細想考津貼英中, 請大家指點吓!
作者: carchu12 時間: 10-8-5 14:52
今年（即99年出世）既小人嗎
作者: carchu12 時間: 10-8-5 14:52
今年（即99年出世）既小人嗎
作者: whywhywhy 時間: 10-8-5 14:58
原帖由 carchu12 於 10-8-5 14:52 發表 
今年（即99年出世）既小人嗎
係呀, 99年呀, 你有冇咩心水呀?? 屯門英中位好似多D, 又多咗兩間升呢英中(馬可賓同田家炳), 機會係咪大過元朗呢?
作者: carchu12 時間: 10-8-5 15:59
其實你小朋友讀緊邊間小學﹖在邊區﹖
我自己喜歡屯門多過元朗，可能唔熟，而且自己住屯門。我小朋友都係拉緊車尾，都未知下次呈分會點，所以都未有心水入邊間，我想唔等於佢得
作者: Gobbie 時間: 10-8-6 00:08
馬可賓好多人爭一個位
仲難入過梁球鋸
原帖由 whywhywhy 於 10-8-5 14:58 發表
係呀, 99年呀, 你有冇咩心水呀?? 屯門英中位好似多D, 又多咗兩間升呢英中(馬可賓同田家炳), 機會係咪大過元朗呢?
作者: whywhywhy 時間: 10-8-6 09:35
原帖由 Gobbie 於 10-8-6 00:08 發表
馬可賓好多人爭一個位
仲難入過梁球鋸
咁元朗盧幹庭, 基元, 信義呢幾間升呢英中會唔會好D呢?
作者: Skywan 時間: 10-8-6 10:06
阿仔今年升中, 有同样經歷所以路過答下咀....
你想選屯門 或 元朗.....
你住邊區及那區就讀?
如.... 家住元朗, 但於屯門就讀你便可以選屯門或元朗.....
因為升中派位是依據就讀小學派位/住址...
如.... 家住元朗 及 於同區就讀, 你選屯門的便是跨區....
這自行机會才大, 大抽奬時机會細...因為今年升中指南時屯門每間只有 2個位給元朗區選....
所以你必須鎖定邊區不要三心兩意...
另外要連2nd 程分試出result 知自己全級排名才鎖定目標就最好la......
其實屯門及元朗中學各有各好....
有關各中學的資料推薦睇 "khmama" 都好詳細的分析 , 佢的資料好有用好值得參考
原帖由 whywhywhy 於 10-8-6 09:35 發表
咁元朗盧幹庭, 基元, 信義呢幾間升呢英中會唔會好D呢?
作者: whywhywhy 時間: 10-8-6 10:46
原帖由 Skywan 於 10-8-6 10:06 發表
阿仔今年升中, 有同样經歷所以路過答下咀....
你想選屯門 或 元朗.....
你住邊區及那區就讀?
如.... 家住元朗, 但於屯門就讀你便可以選屯門或元朗.....
因為升中派位是依據就讀小學派位/住址...
如.... 家住元朗 ...
Carchu12, skywan,
我住元朗, 囝囝都喺元朗讀書, 但見屯門升中人數少d, 英中比例多d, 而我daddy住屯門, 層樓都係我名0既, 咁可以通知轉區,所以先會心大心細, 又想揀屯門囉
skywan, 你講得啱, 要出埋第二次呈分先可以作準, 我囝囝d成績好似過山車咁架, 但都想有兩手準備, 搜集定d資料先, 各校banding, 校風, 收生標準,面試等...
作者: Skywan 時間: 10-8-6 14:37
whywhywhy,
我家住元朗就讀屯門小學, 我無轉地址所以阿仔跟小學派位。
經歷: 自行遞表才發覺就算 band 1 組別中學, 該校 location 都系一重要恩素, 因為每天往來時間話長都吾長, 話短吾短ga 中學無校車, 要自架(家長私家車送返學) 或搭車返學
阿仔間中學接近西鐵站, 我地又住近西鐵站, 阿仔返導入課時都要 早些起床
所以阿仔選校時老師雖然極力遊說選較好英中, 但我們一致決定選現在這間熱門的升呢中學。
你要考慮:
會否搬回屯門? 如不會所選中學返學方便嗎?
如會搬回屯門住, 那說實話屯門競爭無咁大
P.S..我識一些邊緣生都派到南屯官/屯官/田家炳, 最好個仲派陳瑞芝(這個是阿仔同班同學, 當然這是好幸運 lucky no. 例子啦)
原帖由 whywhywhy 於 10-8-6 10:46 發表
Carchu12, skywan,
我住元朗, 囝囝都喺元朗讀書, 但見屯門升中人數少d, 英中比例多d, 而我daddy住屯門, 層樓都係我名0既, 咁可以通知轉區,所以先會心大心細, 又想揀屯門囉
skywan, 你講得啱, 要出埋第二次呈分先 ...
作者: whywhywhy 時間: 10-8-6 15:07
原帖由 Skywan 於 10-8-6 14:37 發表
whywhywhy,
我家住元朗就讀屯門小學, 我無轉地址所以阿仔跟小學派位。
經歷: 自行遞表才發覺就算 band 1 組別中學, 該校 location 都系一重要恩素, 因為每天往來時間話長都吾長, 話短吾短ga 中學無校車, 要自架 ...
咁我大約知道你小朋友讀邊間中學, 呢間學校亦係我心儀ge學校, 我想轉區, 好大部份係想揀呢間學校
可以分享吓你之前的準備功夫嗎? 恕我唐突, 你小朋友係band 1頭,中,尾??? 如不想在此透露, 請pm我丫, 面試形式如何?? 好多問題呀呵, 唔好意呀, 希望你可以回答我啦!
作者: Gobbie 時間: 10-8-6 18:17
sorry 你講果D我都唔熟
好彩我個仔間小學有元朗聯繫位 多個選擇
原帖由 whywhywhy 於 10-8-6 09:35 發表
咁元朗盧幹庭, 基元, 信義呢幾間升呢英中會唔會好D呢?
作者: Gobbie 時間: 10-8-6 18:18
我都想知下！！
原帖由 whywhywhy 於 10-8-6 15:07 發表
咁我大約知道你小朋友讀邊間中學, 呢間學校亦係我心儀ge學校, 我想轉區, 好大部份係想揀呢間學校
可以分享吓你之前的準備功夫嗎? 恕我唐突, 你小朋友係band 1頭,中,尾??? 如不想在此透露, 請pm我丫, 面試形式如何 ...
作者: Skywan 時間: 10-8-6 22:51
whywhywhy :
阿仔 banding 已 pm
我吾知以下的算吾算準備功夫....
首先要同阿仔一起揀選5間心水中學(其實系你心入面已經簡左), 那些中學的教學模式是否適合小朋友, 再不段從不同的途徑搜集心儀中學相關資料.....
阿仔好幼稚(一般男仔都系遲熟)....好似旁觀者吾關佢事....所以要佢同你一起搜集資料、參觀開放日, 一起遞表....等佢有多些代入感.... 還有最好最后選個間系佢"揀" 吾系你揀
咁佢.... 將來有"幸"入讀時要有承擔....
不用客人氣, 我明白因為之前我自己都好想有人分享心議個間面試形式。
小朋友及家長都會收到面試信
小朋友:
~ 面試當天到校后家長與小朋友分別在 hall 前面 及后面
~ 小朋友要帶同日常的功課, 中英文作文, 中英數作業或工作紙及手冊面試, 作用是查看小朋友平日的學行(其實小學老師之前都提點學生要做好些功課, 面試要睇)
~ 英文會談: 小朋友要單獨面對兩位考官 : 1個外籍 + 1個本土人, 要讀一編文章 再與外籍人閒談, 本地人仕在旁主要是當小朋友聽不明時該老師幫佢翻譯
~ 廣東話會談: 另一個室 - 小組討論, 5個小朋友(3男2女、2男3女吾定) 為一組...題目千奇白趣什么都有好空範
家長: 家長都系閒談,主要睇下家理念是否與學校一样或較接近...約6-7個小朋友的家長為一組
*** 不用 SECOND IN, 但另一間升呢中中就要 SECOND IN
///后來聽同學媽咪講其實間間面試形式都系大同小異, 但不包括梁銶琚/譚記/保記////
原帖由 whywhywhy 於 10-8-6 15:07 發表
咁我大約知道你小朋友讀邊間中學, 呢間學校亦係我心儀ge學校, 我想轉區, 好大部份係想揀呢間學校
可以分享吓你之前的準備功夫嗎? 恕我唐突, 你小朋友係band 1頭,中,尾??? 如不想在此透露, 請pm我丫, 面試形式如何 ...
[ 本帖最後由 Skywan 於 10-8-8 10:26 編輯 ]
作者: elbar 時間: 10-8-7 12:46
原帖由 whywhywhy 於 10-8-5 13:54 發表
真係好頭痛, 囝囝成績唔算最TOP果種, 但英文算唔錯, 往往全級頭5名, 見讀英小, 啱啱第一次呈分試BAND 1中, 但佢係極飄忽果隻, 活躍型,真係唔識揀, 連揀屯門區定元朗區都決定唔到
本來想報直資, 但見佢哋今年少人, ...
以下升呢英中當屬最佳
馬錦明慈善基金馬可賓紀念中學 也是不錯
[ 本帖最後由 elbar 於 10-8-7 14:01 編輯 ]
作者: Skywan 時間: 10-8-7 13:19
元朗 - 表面睇升呢英中系元朗信義中學較佳
睇排名仲前過 "崇德" ..... 但系聖公會佰約翰都好架....
至於屯門升呢 "中學" 吾系應該係田家炳較佳咩? 吾知我有無錯呢? 
因為 " 順德聯誼總會譚伯羽中學" 之前搜的資料系升呢"中中" 吾系升呢 "英中"
佢系超有至格升呢做 "英中" 但該校自已堅持信念吾升呢做英中, 繼續做中中... 好似系咁....如有錯漏請指正
原帖由 elbar 於 10-8-7 12:46 發表
以下兩間升呢英中當屬較佳
元朗信義中學順德聯誼總會譚伯羽中學
[ 本帖最後由 Skywan 於 10-8-8 10:18 編輯 ]
作者: Gobbie 時間: 10-8-7 14:47
多謝你咁詳盡ge分享
我會參考你個方法
等呀仔多D代入感 可能會事半功倍
原帖由 Skywan 於 10-8-6 22:51 發表
whywhywhy :
阿仔 banding 已 pm
我吾知以下的算吾算準備功夫....
首先要同阿仔一起揀選5間心水中學(其實系你心入面已經簡左), 那些中學的教學模式是否適合小朋友, 再不段從不同的途徑搜集心儀中學相關資料..... ...
作者: share.gain 時間: 10-8-9 12:29
我得知資料係:-
屯門譚伯羽, 田家炳和馬可賓都符合教育局要求可開英文班 (即升尼). 譚中已是中中No.1, 所以唔係升尼中中, 2010/11年度有4科都以英語教授(英文, 數學, 科學, 電腦及資訊科技). 三間之中, 譚中校風應該係最好.
作者: Sherryko9 時間: 10-8-9 14:03
睇番趙中和鄉中今年會考情況,嘩!趙中好唔掂!以佢收生要求甘高(聽聞),但今年會考成績甘架樣,心中已一涼,我唔會盲從付和佢的名聲以死揀佢!今年A.Math竟然1個都無攞A,Math唔夠十個,死得啦!數呢科係全校修,成二百人,得個8個攞A,附加數100人考,無人攞A,唉!我諗升呢中學都比佢好....真係可以諗少一間!
其他中學見唔到今年會考成績,希望多D人報吓料,我最主要睇中/英/數和附數幾個大科成績先!
作者: Gobbie 時間: 10-8-10 17:36
咁知唔知香中點呀？？
原帖由 Sherryko9 於 10-8-9 14:03 發表
睇番趙中和鄉中今年會考情況,嘩!趙中好唔掂!以佢收生要求甘高(聽聞),但今年會考成績甘架樣,心中已一涼,我唔會盲從付和佢的名聲以死揀佢!今年A.Math竟然1個都無攞A,Math唔夠十個,死得啦!數呢科係全校修,成二百人,得個 ...
作者: 天娜 時間: 10-8-10 18:55
鄉中的成績已post在佢校網中
我就覺得麻麻地
作者: Sherryko9 時間: 10-8-11 10:15
但係打橫打店都比趙中好好多喎!我諗元朗區所謂最top的名校真的比不上屯門果邊D top中學!元朗區得呢兩間中學會post得甘詳細會考資料,其他唔覺!有無人可以報料今年"盧中"會考如何?
原帖由 天娜 於 10-8-10 18:55 發表
鄉中的成績已post在佢校網中
我就覺得麻麻地
作者: elbar 時間: 10-8-12 22:25
原帖由 Sherryko9 於 10-8-11 10:15 發表
但係打橫打店都比趙中好好多喎!我諗元朗區所謂最top的名校真的比不上屯門果邊D top中學!元朗區得呢兩間中學會post得甘詳細會考資料,其他唔覺!有無人可以報料今年"盧中"會考如何?
...
似乎除了 Queen's 和 Belilios 外 ( 5 bands --> 3 bands )，其他官立英中近年在會考都沒有穩定而優異的表現！
[ 本帖最後由 elbar 於 10-8-12 22:28 編輯 ]
作者: kit7266 時間: 10-8-15 00:56
NO LA...
田家炳F.1開5班英文班，升呢英中。 而譚伯羽仲係中中，中五仲用母語教生物科，中六先轉英文教科書上課，F1-3除左英文科外，其他科用中文授課。F4-5 地理、ECON、西史都仲係用中文教。會考17分可以升F6，但田家炳17分升唔到原校!
論成績、校風都係田家炳比較好。
原帖由 share.gain 於 英文班10-8-9 12:29 發表
我得知資料係:-
屯門譚伯羽, 田家炳和馬可賓都符合教育局要求可開英文班 (即升尼). 譚中已是中中No.1, 所以唔係升尼中中, 2010/11年度有4科都以英語教授(英文, 數學, 科學, 電腦及資訊科技). 三間之中, 譚中校風應該 ...
作者: Joe媽媽 時間: 10-8-16 17:54
原帖由 whywhywhy 於 10-8-5 13:54 發表
真係好頭痛, 囝囝成績唔算最TOP果種, 但英文算唔錯, 往往全級頭5名, 見讀英小, 啱啱第一次呈分試BAND 1中, 但佢係極飄忽果隻, 活躍型,真係唔識揀, 連揀屯門區定元朗區都決定唔到
本來想報直資, 但見佢哋今年少人, ...
比較起來, 屯門人少, band 1 位多; 只是這一個point, 我已決定選屯門! 當然, 遠近亦是要考慮之因素. 我朋友個仔住元朗, 今年派了董玉娣. 
作者: zanzibaryan 時間: 10-8-16 19:28
元朗區有什麼私校可以選?
作者: mamafufu 時間: 10-8-17 00:58
元朗區冇任何私校值得揀，DSS可揀李兆基書院。
原帖由 zanzibaryan 於 10-8-16 19:28 發表
元朗區有什麼私校可以選?
作者: mamafufu 時間: 10-8-17 01:00
kit7266:
請問你知唔知譚伯羽及田家炳今年(2010)原校升中六的最低分數(文科及理科)?
原帖由 kit7266 於 10-8-15 00:56 發表
NO LA...
田家炳F.1開5班英文班，升呢英中。 而譚伯羽仲係中中，中五仲用母語教生物科，中六先轉英文教科書上課，F1-3除左英文科外，其他科用中文授課。F4-5 地理、ECON、西史都仲係用中文教。會考17分可以升F6，但田家炳17分升 ...
作者: mamafufu 時間: 10-8-17 01:05
其實計埋升呢英中，元朗區及屯門區band1位相差不大，但如只考慮band 1 頭英中，屯門區有"四大天王"，而元朗區只有鄉議局獨領風騷。
原帖由 Joe媽媽 於 10-8-16 17:54 發表
比較起來, 屯門人少, band 1 位多; 只是這一個point, 我已決定選屯門! 當然, 遠近亦是要考慮之因素. 我朋友個仔住元朗, 今年派了董玉娣.
作者: zanzibaryan 時間: 10-8-17 09:46
聽說元朗區有一間叫宏信書院的將開校,佢地會有IB課程,我比較想仔仔將來可接海外大學,因本人都是讀海外大學的,習慣了開放式教育,怎樣也覺得在外國浸過下會好D,這樣想會很怪嗎?
作者: Sherryko9 時間: 10-8-17 11:23
邊四大天王?梁球琚是否第1?我都覺得元朗區無物"特別"出眾的英中(鄉中保持水準,但仍不及屯門區最top),唔係話元朗區D英中唔叻,係分別不大,無話邊間差,係平均,所以如果揀元朗區英中/中中,只分別在地點甘解.我朋友在天水圍教,佢唔buy元朗區D英中,佢教佢D學生揀屯門區Dtop英中,以前自己讀書時,睇住屯門區果幾間(當時唔係好出名)起,但短短幾年間,竟然升呢升到阿媽都唔認得,好神奇!話時話,舊時邊有英中和中中之分呢!只識官中和津中,當時入官中因資源多,又邊有甘多間中學呀!唔認老都唔得!
原帖由 mamafufu 於 10-8-17 01:05 發表
其實計埋升呢英中，元朗區及屯門區band1位相差不大，但如只考慮band 1 頭英中，屯門區有"四大天王"，而元朗區只有鄉議局獨領風騷。
作者: Joe媽媽 時間: 10-8-17 13:49
原帖由 Sherryko9 於 10-8-17 11:23 發表
邊四大天王?梁球琚是否第1?我都覺得元朗區無物"特別"出眾的英中(鄉中保持水準,但仍不及屯門區最top),唔係話元朗區D英中唔叻,係分別不大,無話邊間差,係平均,所以如果揀元朗區英中/中中,只分別在地點甘解.我朋友在天水 ...
Exactly! 屯門四大天王, 入到其中一間都已經好好了:
- 董中
- 百周
- 梁銶琚
- 陳瑞芝
官中(英中):
- 南屯官, 今年會考最叻一個: 6A/ 2B/ 1C
- 屯官 (早兩年都出個10優)
- 譚記 (中中, 但英文好勁, 應在南屯官之上)
升呢有:
- 田雞肶
- 賓記
升呢中學都要 3~5年 時間才看到真正之實力.
另外, 請緊記:
- 參加派位學生人數亦是一個主因. 如果band 1中成績, 我估計明年入到屯門四大天王之機會很大, 因出生率低; 但跟四大天王同級之元朗中學我估計將會競爭大很多.
- 中一生都有10歲多, 元朗往屯門應可以接受吧?
- 如果要轉要快決定, 改地址亦要時間.
作者: Sherryko9 時間: 10-8-17 14:19
我唔係好明點解四大天王?係唔係佢地連續出十優狀元?其實佢地分別整體D成績點?我淨係覺得佢地地點好入,好似有兩間好近,係屯門出九龍公路口,係唔係呀?我年代屯門好雜(嘩!好耐歷史了!),就算而家有輕鉄搭,都唔近,超過半個鐘.
原帖由 Joe媽媽 於 10-8-17 13:49 發表
Exactly! 屯門四大天王, 入到其中一間都已經好好了:
- 董中
- 百周
- 梁銶琚
- 陳瑞芝
官中(英中):
- 南屯官, 今年會考最叻一個: 6A/ 2B/ 1C
- 屯官 (早兩年都出個10優)
- 譚記 (中中, 但英文好勁, 應在南屯官之 ...
作者: Gobbie 時間: 10-8-17 14:34
但係我睇過D排名 鄉中位置高過梁球鋸喎
原帖由 Sherryko9 於 10-8-17 11:23 發表
邊四大天王?梁球琚是否第1?我都覺得元朗區無物"特別"出眾的英中(鄉中保持水準,但仍不及屯門區最top),唔係話元朗區D英中唔叻,係分別不大,無話邊間差,係平均,所以如果揀元朗區英中/中中,只分別在地點甘解.我朋友在天水 ...
作者: Sherryko9 時間: 10-8-17 15:27
我唔係好信D排名榜,因為有D真係排得好離普!但聽好多家長講,梁球鋸係高過鄉中,鄉中只不過係元朗區出名甘解!當年有個親人鄉中已收,但亦去自行考屯門區某間中學(我唔係好記得係唔係梁球鋸!),亦收,如果LaSa唔收,佢會去屯門果間.
原帖由 Gobbie 於 10-8-17 14:34 發表
但係我睇過D排名 鄉中位置高過梁球鋸喎
作者: Joe媽媽 時間: 10-8-17 17:25
原帖由 Sherryko9 於 10-8-17 15:27 發表
我唔係好信D排名榜,因為有D真係排得好離普!但聽好多家長講,梁球鋸係高過鄉中,鄉中只不過係元朗區出名甘解!當年有個親人鄉中已收,但亦去自行考屯門區某間中學(我唔係好記得係唔係梁球鋸!),亦收,如果LaSa唔收,佢會去屯 ...
梁銶琚只是精英班內某幾個超勁; 平均而計不及董中/ 百周的.
屯門學生略少, 有四間鄉中(指接近成績), 那當然是略為大機會啦, 好簡單之加減數問題. 當然, 如果肯定是band 1頭, 就無需怕同人競爭了, 在自行面試時可能已收了妳嘛. 信我的話跟妳說, band 1 頭, 能力又可以的話, 選董中, 不要選鄉中, 中間好多原因, 不方便說了. 其中一個原因是, 董中校長之女亦在董中就讀.
作者: mamafufu 時間: 10-8-17 18:12
"四大天王"及鄉中成績相若，都係新界西最TOP的英中，整體成績拋離其他英中(崇德,趙中,屯官,南屯官等)一大截。
呢五間之間點排名，就好主觀。
論過去五年的會考成績，我會排列:
梁銶琚=百周年>鄉議局>董玉娣>陳瑞芝>>>崇德
不過考慮學校對學生中一至中五期間的"升值"能力，則
董玉娣>>>>>>梁銶琚=百周年=陳瑞芝>鄉議局
(以上排名純屬個人意見)
原帖由 Sherryko9 於 10-8-17 14:19 發表
我唔係好明點解四大天王?係唔係佢地連續出十優狀元?其實佢地分別整體D成績點?我淨係覺得佢地地點好入,好似有兩間好近,係屯門出九龍公路口,係唔係呀?我年代屯門好雜(嘩!好耐歷史了!),就算而家有輕鉄搭,都唔近,超過半 ...
作者: Joe媽媽 時間: 10-8-17 18:59
原帖由 mamafufu 於 10-8-17 18:12 發表
"四大天王"及鄉中成績相若，都係新界西最TOP的英中，整體成績拋離其他英中(崇德,趙中,屯官,南屯官等)一大截。
呢五間之間點排名，就好主觀。
論過去五年的會考成績，我會排列:
梁銶琚=百周年>鄉議局>董玉娣>陳瑞芝>>>崇德
...
無錯, 以近年之"整體升值"能力而論, 董中為首. 她有好好之讀書氣氛, 老師們亦有heart, 校長又睇得好緊. 鄉中跟她比還有一段距離.
不過, 如果入到鄉中而又唔會讀得唔開心的話, 已經是"天下無敵" 了. 
作者: 701003 時間: 10-8-17 21:29
其實學校公開試出過幾多個狀元，並非我選擇學校ge重點 果一小撮高才生，大多靠自己天賦同努力，10A、9A好勁啫，普通小朋友讀6-8科已經筋疲力盡，九科十科仲要科科A，能人所不能
學校有狀元，唔代表係自己果個，顧掂自己仔女ge學習動機，揾間校風純樸ge中學，鼓勵仔女努力讀書就算，果d虛名、虛榮并非我杯茶
咁肉緊討論個別高才生ge公開試成績做乜啫......
作者: wbady 時間: 10-8-17 23:15
原帖由 Joe媽媽 於 10-8-17 18:59 發表
無錯, 以近年之"整體升值"能力而論, 董中為首. 她有好好之讀書氣氛, 老師們亦有heart, 校長又睇得好緊. 鄉中跟她比還有一段距離.
不過, 如果入到鄉中而又唔會讀得唔開心的話, 已經是"天下無敵" 了. ...
屯门四大天王有一共同特點就係"谷"，而鄉中基本上只會提醒同學努力，並無實質資源配合，所以鄉中學生獨立性和自主性較強，我覺得這種訓練比成積更重要，而更重要是鄉中三班預科，全收自巳學生，每年入大學百份率接近100%，
四大天王只得兩班預科，仲使也有100%入大學率，還是鄉中可靠些。
作者: Sherryko9 時間: 10-8-18 10:26
我覺得大家的意見和分析都好有參考價值,近幾年元朗屯門區的top學生都唔再局限在自己區,因為交通方便,有西鉄,巴士亦方便,交通時間亦唔再好似以前甘耐,所以唔少父母都唔介意選擇其他區給小朋友,我覺得而家元朗區Dtop中學都開始面對收生(最頂級的學生)壓力,識唔少成績好的學生都向外發展,睇睇而家的小學升中情況,不再局限元朗屯門區就知,我覺得這是一個好現象,有競爭才有進步!
作者: Sherryko9 時間: 10-8-18 10:39
又可以甘睇,如果不是top學生(以成績計及自發性),我諗就要諗清楚,因為佢唔會挽留你;我識唔少家長以為自己小朋友入到去一定"變好",唔會諗清楚家庭教育配唔配合.其實以前,亦聽聞鄉中學生叻是家庭backup好,在學生支緩上不及其他新起的英中,這樣分析是否比較中肯呢?
原帖由 wbady 於 10-8-17 23:15 發表
屯门四大天王有一共同特點就係"谷"，而鄉中基本上只會提醒同學努力，並無實質資源配合，所以鄉中學生獨立性和自主性較強，我覺得這種訓練比成積更重要，而更重要是鄉中三班預科，全收自巳學生，每年入大學百份率接近100%，
四大天 ...
作者: share.gain 時間: 10-8-18 11:08
100% AGREED TO 701003
我都覺得好多家長都傾向名牌效應, 以為一入豪門升價十倍?
他們完全沒有考慮自己個小朋友有無能力. eg. 俾一個band 1尾或以下學生好彩攪珠 (因面試多數唔收嚟批)入到四大天王又如何? 家長會好開心, 但有無諗過學生有無能力應付? 年年考尾個堆學生同家長可否接受? 學生無咗信心又點? 壓力大引發嘅悲劇....仲有好多問題會產生.
作者: Sherryko9 時間: 10-8-18 12:32
你地的分析亦很對,中肯D講,如果小朋友能力(學習和承受壓力)得,家庭backup又充足,入到"名牌"中學係一個好選擇;話分兩頭,唔係個個係甘,呢樣就要父母心中有數;"名牌"亦有佢存在價值,否則其他人會覺得"吃不到的葡萄是酸的".關於名牌效應,呢樣野抺之不去,揮之不去,我們做一個負責的父母,首先要清楚自己條件,再去選擇適合的學校予小朋友.
原帖由 share.gain 於 10-8-18 11:08 發表
100% AGREED TO 701003
我都覺得好多家長都傾向名牌效應, 以為一入豪門升價十倍?
他們完全沒有考慮自己個小朋友有無能力. eg. 俾一個band 1尾或以下學生好彩攪珠 (因面試多數唔收嚟批)入到四大天王又如何? 家長會 ...
作者: share.gain 時間: 10-8-18 12:59
贊成, 總之要量力而為, 咁就可以開開心心過嚟6年.
作者: Sherryko9 時間: 10-8-18 14:08
講左甘耐,可否有人報料講吓元朗另外果幾間升呢英中?信義大約都知情況,其他如何?
作者: wbady 時間: 10-8-18 14:26
原帖由 Sherryko9 於 10-8-18 10:39 發表
又可以甘睇,如果不是top學生(以成績計及自發性),我諗就要諗清楚,因為佢唔會挽留你;我識唔少家長以為自己小朋友入到去一定"變好",唔會諗清楚家庭教育配唔配合.其實以前,亦聽聞鄉中學生叻是家庭backup好,在學生支緩上 ...
鄉中兩班精英班是大班，下學年40人一班，普通班則36人一班，今年入讀中一的更是34人一班，而且中、英每班分兩組上課，精英班則沒有分組上課，仍39人一班。凡中英數最底30名均需補課，鄉中基本上會將資源投放至普通班，讀精英班並不佔優。
最重要是精英班之設立是制度，而非心態，鄉中老師對所有學生都平等對待，若女兒不是最top，但個性開朗，活潑，喜自由發揮，我也會為她選鄉中，讓她見識見識，為未來定下目標。
選校是否適合，往往取決於願望與現實之间落差是否太大，適合與否人言人殊。
今年中一全級頭五名，我知至少三個往公屋，其一更拿書薄津貼，小女更從沒有補習，我只支緩她學琴而矣。
家庭backup是否需要，相信是很個人，未必與所讀學校有関。
作者: Sherryko9 時間: 10-8-18 14:40
現又知多D,謝謝wbady的詳解.
或者我應該講清楚自己所講的"家庭backup",我覺得住公屋唔係代表佢無家庭backup,亦唔代表住公屋的家庭差D,好睇父母價值觀,就好似當年14Yrs的何凱琳,佢地都是住公屋,但媽咪知自己囡囡資質如何,雖然父母學識唔高,但仍努力裁培佢發揮所長,我所指的是父母不是撒手不理小朋友甘解,完全不關金錢問題.
原帖由 wbady 於 10-8-18 14:26 發表
鄉中兩班精英班是大班，下學年40人一班，普通班則36人一班，今年入讀中一的更是34人一班，而且中、英每班分兩組上課，精英班則沒有分組上課，仍39人一班。凡中英數最底30名均需補課，鄉中基本上會將資源投放至普通班，讀精英班並不 ...
作者: share.gain 時間: 10-8-18 14:52
我聽聞屯門有些學校就係太著重精英班, 忽視成績較差學生或實行谷谷谷...都係未如理想就請你考慮退學. 未知是否真確?
作者: Sherryko9 時間: 10-8-18 15:33
有D學校真係補底有餘,拔尖不足,那些"叻"的學生不是學校調校,是自身問題;亦有些學校對有"潛質"的學生支緩十足,以何凱琳為例,有時我會覺得好彩當年女拔唔收佢,否則那會比甘多資源她跳級考會考呢?女拔多的是人才.
原帖由 wbady 於 10-8-18 14:26 發表
鄉中兩班精英班是大班，下學年40人一班，普通班則36人一班，今年入讀中一的更是34人一班，而且中、英每班分兩組上課，精英班則沒有分組上課，仍39人一班。凡中英數最底30名均需補課，鄉中基本上會將資源投放至普通班，讀精英班並不 ...
作者: 701003 時間: 10-8-18 17:53
原帖由 Sherryko9 於 10-8-18 14:08 發表
講左甘耐,可否有人報料講吓元朗另外果幾間升呢英中?信義大約都知情況,其他如何?
另外兩間以盧幹庭校規要求最嚴
守規又聽話ge好學生最集中
拔尖補底好落力，書生型最吃香！
學習氣氛三間相若！升呢之後誰勝誰負要靠時間証明！
基元校規較彈性，包容度較高！如上PE堂，可直接着住PE衫褲返學，運動鞋無硬性規定顏色，非上課日可PE衫配牛仔長褲回校！所以活潑精靈ge小朋友有得發圍
仲有白約翰、鄧佩琼，微調之後，努力向上！校風依然係白約翰佔上風，鄧佩琼有待改善
作者: elbar 時間: 10-8-18 22:40
原帖由 share.gain 於 10-8-18 14:52 發表
我聽聞屯門有些學校就係太著重精英班, 忽視成績較差學生或實行谷谷谷...都係未如理想就請你考慮退學. 未知是否真確?
論整體學生公開試成績新界西北 top 3 始終都及不上四大地區名校
作者: wbady 時間: 10-8-19 08:36 標題: 回覆 50# Sherryko9 的文章
鄉中今年6A以上的尖子有７名，其中一個是副校長的兒子，其子中四時全級第一；香港電台潮潮Ｙ世代的嘉賓主持黃鴻二，身高一百四十幾cm，IQ也是一百四十幾，小五時巳奪元朗傑出小學生獎，今年也入讀鄉中精英班。據小女話，英文好過老師，數學已達預科程度的同學大有人在。相信吾係每一個家長都希望小朋友被特別関顧下成長，所謂神童並非人人渴求，反而希望在一般學習生活下快樂成長。
為方便資源分配而有精英班制度，巳具拔尖效用，我認為巳很足夠了，要向上突破，由學生自由發揮吧！
相信全港官中很少拔尖跳級情況出現，無誘因令學校如此破格，若然家長有此需求，大埔三育、盧幹庭確是不錯的選擇。
作者: wbady 時間: 10-8-19 08:59 標題: 回覆 52# elbar 的文章
請問是那四大區，那些名校？謝謝！
作者: Sherryko9 時間: 10-8-19 10:22
是否講緊傳統名校:女拔,LaSa,聖保羅男女等.
原帖由 elbar 於 10-8-18 22:40 發表
論整體學生公開試成績新界西北 top 3 始終都及不上四大地區名校
作者: mamafufu 時間: 10-8-19 19:45
我估係講林護，鄧顯等
原帖由 Sherryko9 於 10-8-19 10:22 發表
是否講緊傳統名校:女拔,LaSa,聖保羅男女等.
作者: elbar 時間: 10-8-19 20:52
原帖由 mamafufu 於 10-8-19 19:45 發表
我估係講林護，鄧顯等
估得冇錯 
俾多一些提示你另外兩校一間在沙田，另一間在北角
作者: wbady 時間: 10-8-19 23:06
原帖由 elbar 於 10-8-19 20:52 發表
估得冇錯
俾多一些提示你另外兩校一間在沙田，另一間在北角
其他應是曾肇添和張祝珊了，這些或可稱為四大名門,相信吾係咁易讀,只能望門輕嘆！
作者: whywhywhy 時間: 10-8-20 09:02
原帖由 701003 於 10-8-18 17:53 發表
另外兩間以盧幹庭校規要求最嚴 守規又聽話ge好學生最集中 拔尖補底好落力，書生型最吃香！
學習氣氛三間相若！升呢之後誰勝誰負要靠時間証明！
基元校規較彈性，包容度較高！如上PE堂，可直接着住PE衫褲返學，運動鞋無 ...
701003
Thank you for yr sharing! 到目前為止, 我都係習中搜集一d升呢英中ge資料 (馬可賓,基元 ,盧幹庭, 田家炳) 鍾意佢哋靈活d, 有衝勁d, 唔係話名牌英中唔好, 係唔多適合我小朋友
作者: wbady 時間: 10-8-20 10:45 標題: 回覆 59# whywhywhy 的文章
有朋友女兒中二轉讀馬可賓，對之讚不絕ロ，話校長有担，並後悔兒子讀梁球琚，因普通班不被重視，中五留過級，現只能修讀副學士；有同事兒子讀田家炳，話老師質素麻麻，後轉英國完成高中，以gce成績入讀科大，佢話好彩走得快，同期同學很少入到大學。
其實馬可賓、盧幹庭、基元都不錯，可考慮以就近家居來作最終選擇。
作者: elbar 時間: 10-8-20 19:49
原帖由 wbady 於 10-8-19 23:06 發表
其他應是曾肇添和張祝珊了，這些或可稱為四大名門,相信吾係咁易讀,只能望門輕嘆！
正確，亦可稱為四大非直資男女校 
作者: elbar 時間: 10-8-20 23:30
| 2010會考優良率 | 鄉中 | 祟德 | 趙中 |
| 中文 | 47.2% | 50.7% | 40.0% |
| 英文 | 54.3% | 61.2% | 46.7% |
| 數學 | 71.9% | 59.8% | 46.2% |
| 附加數 | 72.2% | 63.4% | 20.0% |
原帖由 Sherryko9 於 10-8-9 14:03 發表
睇番趙中和鄉中今年會考情況,嘩!趙中好唔掂!以佢收生要求甘高(聽聞),但今年會考成績甘架樣,心中已一涼,我唔會盲從付和佢的名聲以死揀佢!今年A.Math竟然1個都無攞A,Math唔夠十個,死得啦!數呢科係全校修,成二百人,得個8個攞A,附加數100人考,無人攞A,唉!我諗升呢中學都比佢好....真係可以諗少一間! 其他中學見唔到今年會考成績,希望多D人報吓料,我最主要睇中/英/數和附數幾個大科成績先!
作者: mamafufu 時間: 10-8-21 22:34
OMG!!!
趙中a-maths優良率竟然只有全港平均(39%)的一半!!!
可能連"十八鄉"都好過佢!
原帖由 elbar 於 10-8-20 23:30 發表
2010會考優良率 鄉中祟德 趙中 中文 47.2% 50.7% 40.0% 英文 54.3% 61.2% 46.7% 數學 71.9% 59.8% 46.2% 附加數 72.2% 63.4% 20.0%
作者: mamafufu 時間: 10-8-21 22:42 標題: 回復 60# wbady 的帖子
我識得梁銶琚今年中五(會考生)及升中二的學生，我可肯定梁銶琚過去五年並沒有精英班制度，再耐歷史d野我就唔知了。
作者: mamafufu 時間: 10-8-21 23:15
十八鄉附加數的成績真係好過趙中﹕
附加數優良率﹕
|
|
全港平均
| 39% |
鄉中
| 72% |
祟德
| 63% |
商會
| 40% |
伊中中
| 59% |
十八鄉
| 38% |
趙中
| 20% |
元朗公立(09年)
| 33% |
作者: wbady 時間: 10-8-21 23:28 標題: 回復 64# mamafufu 的帖子
這是去年同學聚會時講的，當時他的兒子仍讀副學士，佢話梁銶琚對於班普通成績嘅同學吾多理，只會重視班精英學生，我諗或我理解錯誤有精英班，不過佢真係因此情況而後悔個仔讀梁銶琚，這点一定無錯，若我報錯料，請諒！
作者: elbar 時間: 10-8-22 16:24
原帖由 mamafufu 於 10-8-21 23:15 發表
十八鄉附加數的成績真係好過趙中﹕
附加數優良率﹕
全港平均
39% 鄉中
72% 祟德
63% 商會
40% 伊中中
59% 十八鄉
38% ...
個人認為以中、英、數優良率 及
整體優良率 或 人均優良 去評核一間中學公開試表現會較為合理
[ 本帖最後由 elbar 於 10-8-22 16:25 編輯 ]
作者: melodykitty 時間: 10-8-22 21:30
屯門天主教中學如何 ??
作者: Sherryko9 時間: 10-8-23 14:58 標題: 回復 62# elbar 的帖子
好簡單,我睇到不是比率問題,係基本最top果D先,向好的一方面諗,鄉中和趙中都算有guts,列晒所有grades出來,唉!趙中出來的結果直情教人心傷,如果以佢收生甘高要求!Maths全級208人去考,竟得8個攞A,A.Math直情唔可以接受,100人去考無人攞A,數是理科生最易攞到A的科目,A.Maths雖難,但唔係難到A都攞唔到,係1個都攞唔到,22人攞B,66人攞C,呢D就係加晒的優良比例!我真係接受唔到!甘講法當日Dband1頭生去晒邊到?呢幾年佢地瞓晒教ZZZZZZZ
作者: wbady 時間: 10-8-23 15:28 標題: 回復 69# Sherryko9 的帖子
http://www.facebook.com/pages/fa ... ng-xu-/340274300367
試下了解趙中學生点看學校。
作者: whywhywhy 時間: 10-8-23 15:39
請問崇德又如何呢? 可以分享吓嗎?
作者: wbady 時間: 10-8-23 23:43 標題: 回覆 71# whywhywhy 的文章
小女去年於乙部將崇德排第一，但自行時是鄉中排第一、崇德第二，結果被派崇德，但叩门重返鄉中，在我心目中，鄉中是官中首選，因較自由和多尖子；崇德是津貼首選，因英語教學全區最好，且成績平穩，起伏不大；信義是次選，因成績穩定向上，有信心保証，三间校風都不錯，入其中一间也無悔。
小女有同學讀崇德，話老師很好，讀得相當愉快，今年暑假剛剛跟學校去了倫敦遊學，來年更升上精英班。
作者: Sherryko9 時間: 10-8-24 12:10
個人意見,不喜勿
!
(純私下聚會傾計)識一個小學高層評價X德中學唔係甘好,指校風,佢話參觀過佢地幾年物物活動日,好似時裝展甘上下!完全無新野,食老本,表演D學生外表鬼5馬6(另附加:當時學生和老師的溝通和包容性),相對佢去過另外一DBand1(係外區)同一樣表演的學生哥外表平實得多,一樣表演精采;另外對早前果物物(無綫)巨聲,竟然(副?)校長都出來接受訪問和十卜十卜果女仔,我自問老套,唔覺有物叻!有物去表掦!後又有遊行,竟然走出幾個話係呢間中學的女學生去揾周小姐影相,好似好鐘意呢位周小姐甘!當日各大新聞已報導周小姐的個人生活體驗,唉!比我感覺真係.....我真係一個徹頭徹尾的老套老人家! 可能有人會話樹大有枯支....間間都有啦!但係比我見到又聽到,真係接受唔到囉! 我還是比較喜歡校風樸素和品格高些的中學.如果得罪,請諒!純個人喜好.
原帖由 wbady 於 10-8-23 23:43 發表
小女去年於乙部將崇德排第一，但自行時是鄉中排第一、崇德第二，結果被派崇德，但叩门重返鄉中，在我心目中，鄉中是官中首選，因較自由和多尖子；崇德是津貼首選，因英語教學全區最好，且成績平穩，起伏不大；信義是次選，因成績穩定向上，有信 ...
作者: wbady 時間: 10-8-24 12:51 標題: 回覆 73# Sherryko9 的文章
其實每個人都有其選校原則，無話邊個啱或錯，純表達意見，怎會和妳争辯呢？
選校我喜歡在網上找相関資料，一切不公開考試成績的學校，不在考慮之列；其次會找該校的老師或學生嘅facbook，有一崇德老師嘅blog我追看超過一年，大致了解到學校运作和曾到該校觀看學生表現，感覺該校學生比鄉中還純品，再加上公開試成績，故在乙部才首選該校，我覺得這樣選校可勉卻任何人為的偏見，較客觀。
[ 本帖最後由 wbady 於 10-8-24 12:58 編輯 ]
作者: Sherryko9 時間: 10-8-24 13:36
係講得都好岩,選校呢D純個人喜好,我成日都同阿囡講,著得件校服出來,就唔好影响學校,就算著便服的小朋友出來行為不當,人地都會話係屋企教得唔好,希望D學生識諗唔好以為一人做事一人當,你地會影响其他人.
原帖由 wbady 於 10-8-24 12:51 發表
其實每個人都有其選校原則，無話邊個啱或錯，純表達意見，怎會和妳争辯呢？
選校我喜歡在網上找相関資料，一切不公開考試成績的學校，不在考慮之列；其次會找該校的老師或學生嘅facbook，有一崇德老師嘅blog我追看超過一年，大致了解 ...
作者: whywhywhy 時間: 10-8-24 14:38
原帖由 wbady 於 10-8-23 23:43 發表
小女去年於乙部將崇德排第一，但自行時是鄉中排第一、崇德第二，結果被派崇德，但叩门重返鄉中，在我心目中，鄉中是官中首選，因較自由和多尖子；崇德是津貼首選，因英語教學全區最好，且成績平穩，起伏不大；信義是次選，因成績穩定向上，有信 ...
請問若選崇德, 成績是否要最TOP嗰種呢? 自行是否不一定會有面試機會? 小兒成績只BAND 1中, 但英文不錯, 讀英文小學, 英文科成績全級頭幾名, 是否揀升呢英中比較穩陣?
作者: wbady 時間: 10-8-24 15:09 標題: 回覆 76# whywhywhy 的文章
崇德係會面試所有申請者，我女果屆，有七人入祟德，全級名次由頭幾名至三十幾名都有，面試由老師進行，英文環節由外籍老師進行，相信英文好一定有優勢。升呢英中其實競争都好大。我會選自行第一崇德，乙部則看第三次成績如何，若進步則乙部仍選崇德第一，若退步則選升呢英中第一較穩陣。
作者: whywhywhy 時間: 10-8-27 15:11
代友人一問, 屯門元朗區有冇校風較好的Band 2學校?
作者: wbady 時間: 10-8-27 17:11 標題: 回覆 78# whywhywhy 的文章
元朗伊利沙伯中學舊生會中學無論校長、老師、同學，都予人印象非常好，副校長更是我的同座街坊；如果小朋友喜歡電腦動畫，翁佑中學也是不錯的選擇。
屯门的我就不清楚了。
作者: mamafufu 時間: 10-8-27 22:39
伊利沙伯中學舊生會中學及翁佑中學都是非常好的學校，但翁佑中學已經係一條龍中學，俾外校生只有廿多位，伊中中"好似"明年開始都同伊小實行一條龍。
原帖由 wbady 於 10-8-27 17:11 發表
元朗伊利沙伯中學舊生會中學無論校長、老師、同學，都予人印象非常好，副校長更是我的同座街坊；如果小朋友喜歡電腦動畫，翁佑中學也是不錯的選擇。
屯门的我就不清楚了。 ...
作者: mamafufu 時間: 10-8-27 22:40
屯門天主教中學都唔錯。
原帖由 whywhywhy 於 10-8-27 15:11 發表
代友人一問, 屯門元朗區有冇校風較好的Band 2學校?
作者: garfield1206 時間: 10-8-27 23:27 標題: 回覆 14# melodykitty 的文章
屯門天主教中學係band1中中,呢幾年進步得好怏,值得推薦
作者: whywhywhy 時間: 10-8-28 12:34
原帖由 mamafufu 於 10-8-27 22:40 發表
屯門天主教中學都唔錯。
但伊中中係Band 1中中, 同翁中一樣係一條龍, 應該好難入, 原來屯門天主教都係band 1中中, 我真係唔知, 咁可能唔係好啱我朋友, 佢小朋友大約係band 2生, 請問仲有冇其他推介呢?
鄧佩瓊?? 永隆?? 祟真?? 宣道?? 羅桂祥??
請多多指教
作者: mamafufu 時間: 10-8-29 09:57
元朗band 2中較好的學校﹕鄧佩瓊, 基朗。
伊中中，羅桂祥同級，都係band 1 尾band 2 頭。只有少量學生係band2。
原帖由 whywhywhy 於 10-8-28 12:34 發表
但伊中中係Band 1中中, 同翁中一樣係一條龍, 應該好難入, 原來屯門天主教都係band 1中中, 我真係唔知, 咁可能唔係好啱我朋友, 佢小朋友大約係band 2生, 請問仲有冇其他推介呢?
鄧佩瓊?? 永隆?? 祟真?? 宣道?? 羅 ...
[ 本帖最後由 mamafufu 於 10-8-29 10:01 編輯 ]
作者: Sherryko9 時間: 10-8-30 10:23
關於天水圍伊中,所知希望幫到大家.
聽聞佢地開始想攪一條龍,即兩間伊中(伊中中和伊湯中)和兩間伊小,其中大家普遍認為伊中中比伊湯中叻D,所以大多數就讀伊小的都想去伊中中,教局唔想側晒去一邊,所以提出頭30%的小學生可以揀佢地理想,餘下的學生就要random式分去兩間伊中,希望明年實行.(以上是聽聞,還未有定案)
關於今年會考成績,伊中中最高分好似25分(唔係好記得,佢地好似有公佈);伊湯中差少少,但亦唔太差,佢地標榜全是自己教出來的學生,不是外將.但一點要記住,是中文中學,所以有D科目係中文卷,成績自然比英文卷的學校取高grade容易D,這是自己人分析出來.
普遍把元朗區中中(元朗和天水圍中學)定為band 2,英中定為band 1.(小學制分元朗區和天水圍區,到中學時納為一區---元朗區)
加多句,伊湯中今年才開第1年F6,亦很緊張學生成績,因有伊中中比較,唔衰得.
所知甘多,希望可以比到大家一個full picture.
作者: Sherryko9 時間: 10-8-30 14:35
覺得屯門區(中學)收生壓力大過元朗區,因為聽聞元朗天主教中學(水邊村果間,係唔係好差架?)今年收到5班學生,但後來被屯門區學校搶左成30幾人,但仍有百個學生,開4班F1,事情屬實的話,我諗揀屯門band1中學會比元朗區易D!因為唔少元朗區家長都唔太歡喜出他區.
作者: mamafufu 時間: 10-8-30 20:33
元朗天主教係band 3 中/尾校﹐屯門天主教係band1尾/2頭學校。
原帖由 Sherryko9 於 10-8-30 14:35 發表
覺得屯門區(中學)收生壓力大過元朗區,因為聽聞元朗天主教中學(水邊村果間,係唔係好差架?)今年收到5班學生,但後來被屯門區學校搶左成30幾人,但仍有百個學生,開4班F1,事情屬實的話,我諗揀屯門band1中學會比元朗區易D! ...
作者: joe1591 時間: 10-9-1 22:18 標題: 回覆 87# mamafufu 的文章
聽講屯天會考有2個30分，1個29分，真的嗎?
作者: whywhywhy 時間: 10-9-3 10:35
原帖由 joe1591 於 10-9-1 22:18 發表
聽講屯天會考有2個30分，1個29分，真的嗎?
REALLY???如果係真,又真係好叻喎!
作者: mamafufu 時間: 10-9-3 11:43
whywhywhy:
你個仔讀英小，英文全級頭五，但總平均只係band 1 中，係唔係佢有某一科特別弱?
有時揀校唔單只要睇自己的強項，也要知自己的弱點，才能揀到最適合的學校。
原帖由 whywhywhy 於 10-8-5 13:54 發表
真係好頭痛, 囝囝成績唔算最TOP果種, 但英文算唔錯, 往往全級頭5名, 見讀英小, 啱啱第一次呈分試BAND 1中, 但佢係極飄忽果隻, 活躍型,真係唔識揀, 連揀屯門區定元朗區都決定唔到
本來想報直資, 但見佢哋今年少人, ...
作者: whywhywhy 時間: 10-9-3 12:05
原帖由 mamafufu 於 10-9-3 11:43 發表
whywhywhy:
你個仔讀英小，英文全級頭五，但總平均只係band 1 中，係唔係佢有某一科特別弱?
有時揀校唔單只要睇自己的強項，也要知自己的弱點，才能揀到最適合的學校。
...
佢ge弱項係中文, 真係"R"爆頭, 閱讀理解 & 作文, 次次做親都喊咁口, 其實佢都睇唔少中文書, 由佢上小一開始, 我都堅持要陪佢每日睇一本中文書&一本英文書, D字佢都理解同識讀, 但係唔知點解唔係好識運用, 相反英文作文又或者睇英文書, 佢就開心好多, 我並唔係想扮野講到自己個仔英文好叻, 只係佢對英文興趣大好多, 佢話D中文字好煩, 要死記點寫, 又好多字個樣都差不多, 好似"侍"同"待"字咁,寫法差唔多, 但意思差好遠, 我都以為佢有讀寫障礙, 但CHECK過又冇喎!佢話英文有拼音, 易記好多, 萬一唔記得都大約可以拼得番出黎喎, 唔駛死記喎
仲有佢D思想好幼稚, 好鍾意D天馬行空ge野, 英文作文可以畀佢創作空間大好多, 外籍老師接受能力大好多, 佢話中文作文d題目好悶, 寫得誇張d老師又會要佢再作過喎!
佢讀英小, 除中文用普通話外, 其他都係用英文, 所以對佢會有幫助, 但其實佢其他科成績都係普普通通, Maths B, IS A, 中文用要加多幾十倍努力,今次總算有個B 只係英文科比較好, 所以我先頭痕, 佢又唔係TOP嗰 TYPE, 但又要同佢揀英中...唉..唉...
[ 本帖最後由 whywhywhy 於 10-9-3 12:39 編輯 ]
作者: Sherryko9 時間: 10-9-3 14:28
你小朋友係讀李小?
如果英文去到頭幾名,好叻播!但點解數只得B?唔喜歡數?語文好緊要,包括中文,因為以後的公開試就係中英數加其他,我諗你要鼓勵小朋友平均D,唔好側晒一面,對第2時讀書發展不利.
講番會考最高果D分數,伊湯有學生好似會考分幾好,公佈出來,但有老師說唔可以甘講,因為要睇公開試用物語言,湯中某些科目是用中文卷,所以會高D分,但如果是有英文卷,肯定攞唔到!小心!
原帖由 whywhywhy 於 10-9-3 12:05 發表
佢ge弱項係中文, 真係"R"爆頭, 閱讀理解 & 作文, 次次做親都喊咁口, 其實佢都睇唔少中文書, 由佢上小一開始, 我都堅持要陪佢每日睇一本中文書&一本英文書, D字佢都理解同識讀, 但係唔知點解唔係好識運用, 相反英文 ...
作者: Sherryko9 時間: 10-9-3 14:48
又甘睇,可能第1輪揀2間中學時會對你有利D,因為英文好,我覺得中學安排的接見,英文好的學生會給學校好印象,最緊要是那間中學會否分B1/2/3整體成績去shortlist,如果唔係,好似X德會接見全部申請者,但有些唔會,只揀頭幾名,好似鄉中;第2輪選校可能會對你小朋友不利,因為以總成績分級,就算你英文幾好,但已分級,對你沒利.
如果甘計,是否應該清楚邊D中學點揀學生去interview呢?(指第1次選校)
原帖由 whywhywhy 於 10-9-3 12:05 發表
佢ge弱項係中文, 真係"R"爆頭, 閱讀理解 & 作文, 次次做親都喊咁口, 其實佢都睇唔少中文書, 由佢上小一開始, 我都堅持要陪佢每日睇一本中文書&一本英文書, D字佢都理解同識讀, 但係唔知點解唔係好識運用, 相反英文 ...
作者: whywhywhy 時間: 10-9-3 14:49
原帖由 Sherryko9 於 10-9-3 14:28 發表
你小朋友係讀李小?
如果英文去到頭幾名,好叻播!但點解數只得B?唔喜歡數?語文好緊要,包括中文,因為以後的公開試就係中英數加其他,我諗你要鼓勵小朋友平均D,唔好側晒一面,對第2時讀書發展不利.
講番會考最高果D分數,伊 ...
我囝囝唔係讀李小, 讀邊間你應該估到啦!點解數學得"B"? 因為佢係極粗心大意, 好多careless mistakes, 同埋佢真係唔係好叻嗰d人囉!
好贊成你講語文發展要平均, 唔好側重一方面, 所以我為佢中文唔好而煩惱, 無從入手, 唔知點幫佢, 呢期佢好鍾意金庸作品, 書劍,碧血劍,射雕, 神雕都睇完, 其實除左睇書, 有d咩放法可以train吓佢呢?
[ 本帖最後由 whywhywhy 於 10-9-3 14:58 編輯 ]
作者: whywhywhy 時間: 10-9-3 14:56
原帖由 Sherryko9 於 10-9-3 14:48 發表
又甘睇,可能第1輪揀2間中學時會對你有利D,因為英文好,我覺得中學安排的接見,英文好的學生會給學校好印象,最緊要是那間中學會否分B1/2/3整體成績去shortlist,如果唔係,好似X德會接見全部申請者,但有些唔會,只揀頭幾名 ...
好多謝你ge分析呀! 我都贊成你講法, 但我只係知道祟德係會遂一接見所有申請者, 其他就唔知, 唔知屯門元朗仲有冇邊間中學都係咁架呢?
作者: yanyanhk 時間: 10-9-3 17:26
不知屯官中成績怎樣？有媽咪·知道嗎？
作者: mamafufu 時間: 10-9-4 01:11
band 1尾學生，band 2頭成績
田家炳，譚伯羽好過佢多多聲。
原帖由 yanyanhk 於 10-9-3 17:26 發表
不知屯官中成績怎樣？有媽咪·知道嗎？
作者: mamafufu 時間: 10-9-4 01:22
以下資料憑記憶﹕
鄉中﹕揀人見，約180-200人。
趙中﹕揀人見，約400人。
崇德﹕一個星期六下午全部見哂。
商會﹕揀人見，約200人。
信義﹕揀人見，約180-200人。
梁銶琚，第一round全部見，第二round揀人見，約200人。
百周﹕揀人見，約200人。
陳瑞芝﹕分10幾日，全部見哂。
董 中﹕揀人見，約200人。
劉金龍(女校)﹕全部見哂。
原帖由 whywhywhy 於 10-9-3 14:56 發表
好多謝你ge分析呀! 我都贊成你講法, 但我只係知道祟德係會遂一接見所有申請者, 其他就唔知, 唔知屯門元朗仲有冇邊間中學都係咁架呢?
作者: whywhywhy 時間: 10-9-4 05:23
原帖由 mamafufu 於 10-9-4 01:22 發表
以下資料憑記憶﹕
鄉中﹕揀人見，約180-200人。
趙中﹕揀人見，約400人。
崇德﹕一個星期六下午全部見哂。
商會﹕揀人見，約200人。
信義﹕揀人見，約180-200人。
梁銶琚，第一round全部見，第二round揀人見，約200人。
百周﹕揀人見，約200人。
...
好多謝你ge資料呀, 真係好啱駛!
會唔會有D升呢英中ge面試資料呀? 基元, 盧幹庭, 馬可賓??
作者: wbady 時間: 10-9-7 09:54
去年小女班中有一同學，是元朗傑出小學生20名內，思想成熟，毅力驚心，每天溫書至午夜12時方肯睡，其後母親禁止，一定要他11時前上床睡覺，但他卻午夜4時起床温書，中一過後，大家都奇怪他的成績怎會跌出80名之後至普通班。我覺得他是選錯學校，無疑他的小學成績是可讀鄉中，他讀的小學出名嚴謹多功課，是非常適合他這種性格的人讀，但鄉中往往是需要自我增值，不能單靠學校的老師教導，我相信如果他讀信義這類學校，當得到更大發揮，選校不能單以成績，應以小朋友本質性格來作考慮，一但錯配，禍延終身，小女最近看他常懮心怱怱，故有感而發。
| 歡迎光臨 教育王國 (/) |
Powered by Discuz! X1.5 |